மூன்று வாலிபர்கள் மோட்சம் அடைவதாக நம்பி தற்கொலை செய்து கொண்டுள்ள சம்பவம் அதிர்ச்சியை ஏற்படுத்தியுள்ளது.
மகாராஷ்டிரா மாநிலத்தை சேர்ந்த நிதின் பேரே, மகேந்திர துகேல் மற்றும் முகேஷ் தவத் ஆகிய மூன்று வாலிபர்கள் அமாவாசை தினத்தன்று மோட்சம் அடையலாம் என்று நம்பி நிர்வாண நிலை என்னும் மோட்சம் அடைய தற்கொலை செய்து கொண்டுள்ளனர். இதுகுறித்து காவல்துறை அதிகாரிகள் கூறுகையில், “இறந்த இந்த மூன்று வாலிபர்களும் ஷஹாபூர் காட்டுப்பகுதியில் தூக்கில் தொங்கியுள்ளனர். இவர்களுடன் நான்காவதாக ஒரு நபரும் தற்கொலை செய்ய திட்டமிட்டு இருந்துள்ளார்.
ஆனால் கடைசி நேரத்தில் அவர் தன் முடிவை மாற்றிக் கொண்டுள்ளார். அவர்கள் மூவரும் தற்கொலைக்கு முன்பு மரத்தின் கீழே அமர்ந்து மது குடித்துவிட்டு பின்னர் புடவைகளை கொண்டு தூக்கிட்டு உயிரிழந்துள்ளனர். மரணத்தில் சந்தேகப்படும்படியான விஷயங்கள் அனைத்தும் தெளிவுபடுத்தப்பட்டுள்ளது” என்று கூறியுள்ளார்.