இன்ஃபோசிஸ் நிறுவனம் அமெரிக்காவில் சிக்கியிருந்த ஊழியர்களை தனி விமானம் மூலம் இந்தியா அழைத்து வந்ததுள்ளது.
விசா காலம் முடிந்து மற்றும் விசா நிறைவுற இருந்த ஊழியர்களை, அமெரிக்காவில் இருந்து தனி விமானதின் மூலம் இன்ஃபோசிஸ் நிறுவனம் பெங்களூக்கு அழைத்து வந்துள்ளது. சான் பிரான்ஸிகோவில் இருந்து 76 வேலையாட்கள் மற்றும் அவர்களின் குடும்பத்தினர் மொத்தம் 206 பேருடன் பெங்களூக்கு நேற்று காலை கத்தார் ஏர்லைன்ஸ் விமானம் வந்தடைந்துள்ளது. இது குறித்து மூத்த செயல் அதிகாரி சஞ்சீவ் கூறியபோது, “ எங்களது நிறுவனத்தை சேர்ந்த சில ஊழியர்கள் விசா காலம் முடிந்த நிலையில் அமெரிக்காவில் தவித்து வந்தனர். சர்வதேச விமானங்கள் ரத்து செய்யப்பட்டதால் சிறப்பு விமானம் மூலமாக எங்கள் ஊழியர்களை பெங்களூர் அழைத்து வந்தோம்” என்று கூறியுள்ளார்.
இன்ஃபோசிஸ் நிறுவனத்தின் இத்தகைய செயலுக்கு அந்நிறுவன ஊழியர்கள் பாராட்டுக்களை தெரிவித்து தங்களது நன்றியை சமூக வலைத்தளங்களில் பதிவிட்டு வருகின்றனர். இன்ஃபோசிஸ் நிறுவனம் தனி விமானம் மூலம் வேலையாட்களை அழைத்து வருவது இது முதல் முறையல்ல. இதைபோன்று புவனேஷ்வரில் பெருவெள்ளம் ஏற்பட்டபோது அங்கு பணிபுரிந்து வந்த ஊழியர்களையும் அந்நிறுவனம் தனி விமானம் மூலம் பெங்களூக்கு அழைத்து வந்தது குறிப்பிடத்தக்கது.