அமெரிக்கா மற்றும் சீனா இடையே கடுமையான மோதல் நீடித்து வருகின்ற நிலையில் இரு நாடுகளின் உறவும் மிக மோசமடைந்துள்ளது.
உலகின் இரு பெரும் பொருளாதார நாடுகளான அமெரிக்கா மற்றும் சீனா இடையே கடுமையான மோதல் நடந்து கொண்டிருக்கிறது. அதனால் இரு நாடுகளின் உறவும் மிக மோசமடைந்த நிலையில் உள்ளது. இந்நிலையில் ஹாங்காங்கில் சர்ச்சைக்குரிய தேசிய பாதுகாப்பு சட்டத்தை சீனா அமல்படுத்தியதற்கு அமெரிக்கா கண்டனம் தெரிவித்து வந்தது. மேலும் அந்த விவகாரம் பற்றி ஹாங்காங் நிர்வாக தலைவர் கேரி லாம் உட்பட சீனா மற்றும் ஹாங்காங் அதிகாரிகள் 11 பேர் மீது அமெரிக்கா கடந்த வாரத்தில் பொருளாதாரத் தடையை விதித்திருந்தது. இந்நிலையில் சீனாவின் உள்நாட்டு விவகாரங்களில் தலையிடுவதாக குற்றம் சாட்டி, அமெரிக்கா அரசியல் தலைவர்கள் மற்றும் ஜனநாயக இயக்கங்களின் தலைவர்கள் 11 பேர் மீது சீனா பொருளாதார தடையை அறிவித்தது.