நடிகர் ரஜினி ரத்த அழுத்த மாறுபாடு காரணமாக உடல்நிலை மோசமடைந்ததால் இரண்டு நாட்களில் அமெரிக்கா செல்வதாக தகவல் வெளியாகியுள்ளது.
தமிழகத்தில் கடந்த 20 ஆண்டுகளுக்கு மேலாக இதோ வருகிறேன், இதோ வருகிறேன் என்று பூச்சாண்டி காட்டிய ரஜினி, தனது அரசியல் பிரவேசம் குறித்து கடந்த டிசம்பர் 3 ஆம் தேதி அதிகாரப்பூர்வமாக அறிவித்தார். தமிழகத்தின் தலையெழுத்தை மாற்ற இதோ எனது தலைவன் வந்துவிட்டான் என்று ரசிகர்கள் ஆரவாரம் செய்ய தமிழக அரசியல்வாதிகள் கொஞ்சம் பீதியடைந்தனர்.
இந்நிலையில் கட்சி தொடங்கிய அரசியலுக்கு வர முடியவில்லை என்பதை மிகுந்த வருத்தத்துடன் தெரிவித்துக் கொள்கிறேன் என்று நடிகர் ரஜினி பரபரப்பு அறிவிப்பை வெளியிட்டுள்ளார். என்னை நம்பி என்னுடன் வருபவர்களை நான் பலிகடா ஆக்க விரும்பவில்லை. முடிவு பற்றி அறிவிக்கும் போது எனக்கு ஏற்பட்ட வலி எனக்கு மட்டுமே தெரியும். தேர்தல் அரசியலுக்கு வராமல் மக்களுக்கு என்னால் என்ன செய்ய முடியுமோ அதை நான் செய்வேன் என்று அவர் தெரிவித்துள்ளார். இந்த அறிவிப்பு அவரின் ரசிகர்களிடையே ஏமாற்றத்தை ஏற்படுத்தியுள்ளது.
இந்நிலையில் ரத்த அழுத்த மாறுபாடு காரணமாக உடல்நிலை மோசமடைந்ததால் நடிகர் ரஜினி இரண்டு நாட்களில் அமெரிக்கா செல்வதாக தகவல் வெளியாகியுள்ளது. அரசியலுக்கு வரவில்லை என்ற அறிவிப்புக்கு பிறகு கடும் மன உளைச்சலில் இருந்த ரஜினிக்கு ஓய்வு மிக முக்கியம். இல்லையென்றால் உடல்நிலை மேலும் பாதிக்கப்படும் என்ற தகவல் வெளியான நிலையில், ரஜினி சிகிச்சைக்காக அமெரிக்கா செல்கிறார்.