கொரோனாவால் பாதிக்கப்பட்டுள்ள அமெரிக்க அதிபர் விரைவில் குணமடைய வேண்டி வட கொரிய அதிபர் தனது வாழ்த்துக்களை தெரிவித்துள்ளார்.
அமெரிக்க அதிபரான டொனால்ட் டிரம்பின் மிக நெருங்கிய ஆலோசகரான ஹோப் ஹிக்ஸ் என்பவருக்கு கொரோனா பரிசோதனை செய்யப்பட்டதில் அவருக்கு கொரோனா பாதிப்பு இருப்பது உறுதிப்படுத்தப்பட்டுள்ளது. இதனைத்தொடர்ந்து அமெரிக்க அதிபர் டிரம்ப் மற்றும் அவரின் மனைவி மெலனியா டிரம்ப் ஆகிய இருவருக்கும் கொரோனா பரிசோதனை செய்யப்பட்டுள்ளது. அதில் வெளியான முடிவுகளில் இருவருக்கும் கொரோனா பாதிப்பு இருப்பது உறுதிப்படுத்தப்பட்டுள்ளது. கொரோனா பாதிப்பு இருப்பது உறுதிப்படுத்தப்பட்டுள்ளதை அடுத்து இருவரும் தங்களை வீட்டில் தனிமைப் படுத்திக் கொண்டுள்ளனர். அந்த தகவலை அமெரிக்க அதிபர் டிரம்ப் தனது ட்விட்டர் பக்கத்தில் பதிவிட்டுள்ளார்.
இந்நிலையில் அமெரிக்க அதிபர் விரைவில் குணமடைய வேண்டி வட கொரிய அதிபர் கிம் ஜாங் உன் தனது வாழ்த்துக்களை தெரிவித்துள்ளார். இது குறித்து வட கொரிய அரசு ஊடகம் வெளியிட்டுள்ள செய்தியில், “அமெரிக்க அதிபர் டிரம்ப் மற்றும் அவரின் மனைவி மெலனியா ஆகிய இருவரும் கொரோனாவால் பாதிக்கப்பட்டிருப்பது தமக்கு வருத்தம் அளிப்பதாக வடகொரிய அதிபர் கூறியுள்ளார். அவர்கள் இருவரும் விரைவில் குணமடைய தனது வாழ்த்துக்களை அதிபர் கூறியுள்ளார்”என்று குறிப்பிடப்பட்டுள்ளது.