சீனா வெளியுறவுத்துறை அமைச்சகம் சார்பில் இன்று வெளியிட்டுள்ள செய்தியில். அதில், அமெரிக்க அரசாங்கத்தின் மூன்றாம் நிலை உயர் அதிகாரியாக பதவி வகிக்கும் நான்சி பெலோசி, சீனாவின் அண்டை நாடான தைவான் சுற்றுப்பயணம் மேற்கொள்ள இருப்பதாக உறுதிப்படுத்தப்பட்ட தகவல்கள் வெளியானது. இதற்கு சீனா தொடர்ந்து எதிர்ப்பு தெரிவித்து வருகிறது. இன்று சிங்கப்பூர் வருகை தரும் அவர், தொடர்ந்து ஆசியாவில் உள்ள நான்கு நாடுகளுக்கு பயணம் மேற்கொள்ள திட்டமிட்டுள்ளார். இந்நிலையில் நான்சி பெலோசி தைவானை பார்வையிட் சென்றால் சீன ராணுவம் வேடிக்கை பார்த்துக் கொண்டு இருக்காது என்று எச்சரிக்கை விடப்பட்டுள்ளது. அதனை தொடர்ந்து சமீபத்தில் அமெரிக்க அதிபர் பைடன் உடன் காணொலி மூலம் 5 வது கட்ட ஆலோசனைக் கூட்டத்தில் பேசிய சீனா அதிபர், தைவான் தொடர்பான விவகாரத்தில் சீனாவில் உள்ள ஒட்டுமொத்த மக்களின் குரலாக சீன அரசு பிரதிபலிக்கிறது.
அதாவது, இந்த விவகாரத்தில் தலையிடுவது நெருப்புடன் விளையாடுவதற்கு சமம் என்று கடுமையாக எச்சரித்தார். சீனாவின் கருத்தை அமெரிக்க மதிக்க வேண்டும் என்றும் கூறினார். இதனையடுத்து சீனாவின் அண்டை நாடான தைவானுக்கு அமெரிக்க பிரதிநிதி நான்சி விரைவில் பயணம் மேற்கொள்ள உள்ளார் என்ற செய்தி சீனாவை ஆத்திரமூட்டியுள்ளது. தைவான் சீனாவின் ஒரு பகுதியாக சீனா கூறி வருகிறது. இந்நிலையில் ராணுவம் தொடர்பான அவருடைய கருத்து முக்கியத்துவம் வாய்ந்ததாக பார்க்கப்படுகிறது. மேலும் அமெரிக்க பிரதிநிதியுடைய வருகைக்கு எதிர்ப்பு தெரிவித்து சீன ராணுவம், ராணுவ பயிற்சி தைவானுக்கு அருகாமையில் உள்ள பின்தான் தீவுகளில் ஒத்திகை நடத்தி வருகிறது.