ராஜஸ்தான் மாநிலத்தில் நிர்வாக சேவை தேர்வில் ஒரே குடும்பத்தை சேர்ந்த 5 சகோதரிகள் சாதனை செய்துள்ளனர்.
ராஜஸ்தான் பொதுசேவை ஆணையம், ராஜஸ்தான் நிர்வாக சேவை கடந்த 2018ஆம் ஆண்டு நடத்தப்பட்ட தேர்வின் இறுதி முடிவை நேற்று வெளியிட்டது. இந்த தேர்வில் தேர்ச்சி பெற்றவர்களுக்கு, நேர்காணல் நடத்தப்பட்டு பின்னர் இறுதி முடிவு அறிவிக்கப்படும் என்று கூறியிருந்தது. தகுதி பட்டியல் அதிகாரப்பூர்வ இணையதளத்தில் அறிவிக்கப்பட்டது. இந்தத் தேர்வில் ஜுன்ஜுனு மாவட்டத்தை சேர்ந்த முக்தா ராவ் முதலிடத்தையும், டோங்கைச் சேர்ந்த மன்மோகன் சர்மா இரண்டாவது இடத்தை பிடித்திருந்தார். மொத்தம் 2023 பேர் இறுதி பட்டியலில் இடம் பெற்றனர்.
இந்த தேர்வில் ராஜஸ்தானை சேர்ந்த விவசாயி ஸ்ரீ சஹ்தேவ் சஹாரனின் 5 மகள்களில் ஏற்கனவே இரண்டு மகள்கள் தேர்வில் வெற்றி பெற்று பணியில் உள்ள நிலையில், தற்போது அவரின் மீதமுள்ள 3 மகள்களும் இந்த தேர்வில் வெற்றி பெற்றுள்ளனர். இந்த சம்பவம் பலரையும் ஆச்சரியத்தில் ஆழ்த்தியுள்ளது. மேலும் தேர்வில் வெற்றிபெற்ற விவசாயி ஸ்ரீ சஹ்தேவ் சஹாரனின் மகள்களுக்கு ஆர்ஏஎஸ் அதிகாரி பர்வீன் கஸ்வான் வாழ்த்துக்களை தெரிவித்துள்ளனர்.