அம்மா உணவகத்திற்கு நாளை ஊரடங்கும் போதும் எந்தவித தடையும் இன்றி இயங்கும் என அதிகாரிகள் தெரிவித்துள்ளனர்.
தமிழகத்தில் கொரோனா தொற்று தொடர்ந்து அதிகரித்துக் கொண்டு வருகின்றது. இவற்றை கட்டுப்படுத்துவதற்காக தமிழக அரசு பல்வேறு முயற்சிகளை மேற்கொண்டு வருகின்றது. ஏற்கனவே தமிழகத்தில் இரவு நேர ஊரடங்கு, ஞாயிற்றுக்கிழமைகளில் முழு ஊரடங்கு என்று பிறப்பிக்கப்பட்டது. இருப்பினும் தொற்று தொடர்ந்து அதிகரித்துக் கொண்டே வருவதால் தமிழக அரசு மேலும் புதிய கட்டுப்பாடுகளை அறிவித்துள்ளது.
சென்னையில் அம்மா உணவகங்களுக்கு நாளை முழு ஊரடங்கில் தடை இல்லை என அதிகாரிகள் தெரிவித்துள்ளனர். கொரோனா வழிமுறைகளை பின்பற்றி அம்மா உணவகத்தில் மக்களுக்கு உணவு கொடுக்கப்படும். போதுமான உணவு பொருட்களை கையிருப்பில் வைத்துக் கொள்ளவும் அம்மா உணவக பணியாளர்களுக்கு அறிவுறுத்தப்பட்டுள்ளது.