தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது. இதற்கு மத்தியில் அரசியல் கட்சியினர் மக்களிடம் நேரடி பிரச்சாரத்தில் இறங்கியுள்ளனர்.
இந்நிலையில் மக்கள் நீதி மையத்தின் தலைவர் கமல் கோவை தெற்கு தொகுதியில் போட்டியிடுகிறார். இதையடுத்து பிரச்சாரம் மேற்கொண்டபோது பேசிய அவர் எதிர்க்கட்சியினர் தொந்தரவு தருவதாக குற்றம்சாட்டியுள்ளார். அரசியல் சாக்கடை என்பதை அறிந்து அதனை சுத்தம் செய்ய வந்திருப்பதாகக் கூறிய அவர் நான் ஹெலிகாப்டரில் செல்வதை கேலி பேசுகிறார்கள். அடுத்தமுறை அவர்களுக்கும் அது தேவைப்படும் என்று தெரிவித்துள்ளார்.