தூத்துக்குடி மாவட்டத்திலுள்ள தருவை மைதானத்தில் நேற்று தமிழ்நாடு அரசு வேலைவாய்ப்பு மற்றும் பயிற்சித்துறை சார்பாக அரசினர் தொழிற் பயிற்சி நிலையங்களுக்கு இடையேயான 39 வது மண்டல அளவிலான விளையாட்டு போட்டி தொடங்கியது. இந்த நிகழ்ச்சியில் தூத்துக்குடி அரசு தொல்லியல் பயிற்சி நிலைய முதல்வர் வேல்முருகன், நெல்லை மண்டல பயிற்சி இணை இயக்குனர் செல்வகுமார், வ.உ.சி துரைமுக ஆணைய மேற்பார்வை இன்ஜினியர் வேத நாராயணன், தூத்துக்குடி மாவட்ட விளையாட்டு அலுவலர் அந்தோணி அதிர்ஷ்டராஜ் உட்பட பலர் கலந்து கொண்டனர். இந்த போட்டி தொடக்க விழாவுக்கு மாவட்ட போலீஸ் சூப்பிரண்டு பாலாஜி சரவணன் தலைமை தாங்கி போட்டியினை தொடங்கி வைத்து பேசியுள்ளார்.
அப்போது அவர் கூறியதாவது, விளையாட்டு போட்டிகளில் ஒரு இலக்கோடு விளையாடினால் தான் வெற்றி பெற முடியும். அதேபோல் வாழ்க்கையிலும் நமக்கான ஒரு இலக்கை அமைத்துக் கொண்டு அதை நோக்கி செல்ல வேண்டும். அப்போதுதான் வாழ்க்கையில் சாதிக்க முடியும். நாம் நம்மால் முடிந்த அளவிற்கு பிறருக்கு உதவி செய்தால் நமது வாழ்க்கையை நாம் மகிழ்ச்சியாக வாழ முடியும். வாழ்க்கையில் முன்னேறுவதற்கு வெற்றி தோல்வி இரண்டுமே படிக்கட்டுகள் ஆகும்.
அதனால் தோல்வியை கண்டு சோர்வடையாமல் அந்த தோல்வியை அடுத்த வெற்றிக்கான படிக்கட்டுகள் என்பதை நீங்கள் தெரிந்து கொண்டாலே வாழ்க்கையில் நிறைய சாதிக்கலாம். மனம் மற்றும் உடல் ஆரோக்கியத்திற்காக உடற்பயிற்சி மற்றும் விளையாட்டு பயிற்சிகளிலும் கவனம் செலுத்துங்கள். உங்களது நல்ல எண்ணங்களே வெற்றியை நோக்கி வழிநடத்தி செல்லும். அதனால் மாணவர்களாகிய நீங்கள் கல்வியோடு சேர்த்து விளையாட்டுகளிலும் பங்கேற்று பல்வேறு வெற்றிகளை பெற வேண்டும் என கூறியுள்ளார். அதனை தொடர்ந்து நடத்தப்பட்ட விளையாட்டுப் போட்டிகளில் 300 மாணவ, மாணவிகள் கலந்து கொண்டு விளையாடினர். இதில் பல்வேறு போட்டிகள் நடத்தப்பட்டது. மேலும் இந்த போட்டிகள் நாளை வரை நடைபெற உள்ளது.