அரசு பேருந்து-வேன் நேருக்கு நேர் மோதியதில் டிரைவர் உள்பட 10 பேர் படுகாயமடைந்த சம்பவம் அப்பகுதியில் பரபரப்பை ஏற்படுத்தியுள்ளது.
சிவகங்கை மாவட்டம் திருப்புவனம் பகுதியை சேர்ந்த ராமர், முத்துராஜ் உட்பட 9 பேர் கொடைக்கானலுக்கு வேனில் சுற்றுலா சென்றுள்ளனர். இந்த வேனை திருபுவனத்தை சேர்ந்த பிரபாகரன் என்பவர் ஓட்டியுள்ளார். இந்நிலையில் கொடைக்கானல் சுற்றுலாவை முடித்து விட்டு மீண்டும் அங்கிருந்து ஊருக்கு திரும்பி உள்ளனர். அப்போது கொடைக்கானல்-வத்தலக்குண்டு மலைப்பாதையில் உள்ள டம்டம் பாறை அருகே சென்று கொண்டிருந்த போது எதிரே வந்த அரசு பேருந்து எதிர்பாராதவிதமாக வேன் மீது நேருக்கு நேர் மோதி உள்ளது.
இந்த கோர விபத்தில் வேன் கவிழ்ந்து டிரைவர் உட்பட 10 பேரும் பலத்த காயமடைந்துள்ளனர். இதனை அறிந்த தேவதானப்பட்டி காவல்துறையினர் சம்பவ இடத்திற்கு விரைந்து சென்று காயமடைந்தவர்களை மீட்டு மதுரை அரசு மருத்துவமனைக்கு அனுப்பி வைத்துள்ளனர். தற்போது அவர்களுக்கு தீவிர சிகிச்சை அளிக்கப்பட்டு வருகிறது. மேலும் இச்சம்பவம் குறித்து வழக்குப்பதிவு செய்த காவல்துறையினர் விசாரணை நடத்தி வருகின்றனர். இதனால் கொடைக்கானல்-வத்தலகுண்டு பகுதியில் சுமார் ஒரு மணி நேரம் போக்குவரத்து பாதிக்கப்பட்டு பரபரப்பை ஏற்படுத்தியுள்ளது.