தமிழக மற்றும் புதுச்சேரியில் கடந்த சில நாட்களாக குழந்தைகளுகிடையே வைரஸ் காய்ச்சல் பரவி வருகிறது. அதிலும் பள்ளி செல்லும் குழந்தைகளிடையே இந்த வைரஸ் காய்ச்சல் அதிக அளவில் பாதிப்பை ஏற்படுத்தி வருகிறது. இதனால் அரசு மருத்துவமனைகளில் அனுமதிக்கப்படும் குழந்தைகளின் எண்ணிக்கை அதிகரித்து வருகிறது. இதனால் பள்ளிகளுக்கு விடுமுறை அளிக்க வேண்டும் என்று அரசியல் கட்சித் தலைவர்கள் வலியுறுத்தி வருகின்றனர்
இந்நிலையில் அரசு மருத்துவமனைகளில் காய்ச்சல் சிறப்பு வார்டுகளைத் தொடங்க வேண்டும் என முன்னாள் சுகாதார அமைச்சர் விஜயபாஸ்கர் வலியுறுத்தியுள்ளார். இதுபற்றி அவர், “காய்ச்சல் பாதிப்பு அதிகரித்து வருவதால் கூடுதல் மருத்துவர்களை நியமித்து குழந்தைகளின் பாதுகாப்பை உறுதி செய்ய வேண்டும், காய்ச்சல் பாதிப்பு அதிகரிக்கும் சூழல் ஏற்பட்டுள்ளதால் தமிழக அரசு அலட்சியமாக செயல்படக்கூடாது” என்று கூறியுள்ளார்.