அசாம் மாநிலத்துக்கு 3 நாள் பயணமாக பாஜக தேசிய தலைவர் ஜே.பி. நட்டா மற்றும் உள்துறை மந்திரி அமித்ஷா போன்றோர் நேற்று சென்றனர். இதையடுத்து அவர்கள் கவுகாத்தியில் புதியதாக கட்டப்பட்டுள்ள பா.ஜ.க மாநில அலுவலகத்தை திறந்துவைத்தனர். இந்நிலையில் உள்துறை மந்திரி பேசினார். அதாவது, “70 வருடங்களாக ஆட்சியிலிருந்த காங்கிரஸ் கட்சியானது வடகிழக்கு பகுதிகளை வன்முறை, அராஜகத்தினை நோக்கி தள்ளியுள்ளது.
2 முறை வெற்றி பெற்று பாஜக தனித்து ஆட்சியமைக்கும் என அப்போது நினைக்கவில்லை. சென்ற 8 வருடங்களில் பிரதமர் நரேந்திரமோடி ஆட்சியின் கீழ் வட கிழக்குப் பகுதிகள் வளர்ச்சியடைந்து வருகிறது. காங்கிரஸ் ஆட்சிக் காலத்தின் போது இந்த மாநிலங்களில் வளர்ச்சி சுத்தமாக இல்லை. இந்நிலையில் பாஜக வெற்றி பெற்று இந்த மாநிலங்களில் கூடுதல் திட்டங்களை நடைமுறைப்படுத்தியது” என்று அவர் பேசினார்.