அருண் விஜய் நடிப்பில் உருவாகி இருக்கும் பார்டர் திரைப்படத்தின் புதிய ரிலீஸ் தேதி அறிவிக்கப்பட்டுள்ளது.
தமிழ் திரையுலகில் நட்சத்திர நாயகனாக வலம் வரும் அருண் விஜய் தற்போது சினம், அக்னி சிறகுகள், பார்டர், பாக்ஸர், யானை போன்ற பல படங்களை கைவசம் வைத்துள்ளார். இதில் பார்டர் படத்தை குற்றம் 23, ஈரம் போன்ற படங்களை இயக்கி பிரபலமடைந்த அறிவழகன் இயக்கியுள்ளார். இந்த படத்தில் ஸ்டெபி படேல் கதாநாயகியாக நடித்துள்ளார். மேலும் ரெஜினா கெஸன்ட்ரா முக்கிய கதாபாத்திரத்தில் நடித்துள்ளார். ஆல் இன் பிக்சர்ஸ் நிறுவனம் தயாரித்துள்ள இந்த படத்திற்கு சாம்.சி.எஸ் இசையமைத்துள்ளார்.
அதிரடி ஆக்ஷன் கதையம்சம் கொண்ட இந்த படத்தில் அருண் விஜய் ராணுவ அதிகாரியாக நடித்துள்ளார். இத்திரைப்படத்தின் ரிலீஸ் தேதி பலமுறை அறிவிக்கப்பட்டும் வெளியாகாமல் தள்ளிக்கொண்டே போன நிலையில் தற்பொழுது படத்தின் புதிய ரிலீஸ் தேதி அறிவிக்கப்பட்டிருக்கின்றது. அதன்படி இத்திரைப்படம் வருகின்ற அக்டோபர் 5-ம் தேதி வெளியாக இருக்கின்றது. இதனால் ரசிகர்கள் உற்சாகத்தில் உள்ளார்கள்.