மாடியிலிருந்து நாயை வீசி கொலை செய்த வாலிபரை காவல்துறையினர் கைது செய்துள்ளனர்.
சென்னை மாவட்டத்திலுள்ள அயோத்திகுப்பம் பகுதியில் இருக்கும் குடிசை மாற்று வாரிய குடியிருப்பில் பிரவீன் என்பவர் வசித்து வருகிறார். இவர் தனது வீட்டில் ஆசையாக நாய் ஒன்றை வளர்த்து வந்துள்ளார். இந்நிலையில் பிரவீன் தங்கியிருக்கும் குடியிருப்பின் 4-வது மாடிக்கு சிலர் வந்துள்ளனர். அப்போது நாய் அவர்களைப் பார்த்து குரைத்துள்ளது.
இந்நிலையில் நாயை தடவிக் கொடுப்பது போல் நடித்த வாலிபர் ஒருவர் அதனை தூக்கி மாடியில் இருந்து கீழே வீசிவிட்டார். இதனால் சம்பவ இடத்திலேயே நாய் பரிதாபமாக இறந்துவிட்டது. இதனை பார்த்து அதிர்ச்சி அடைந்த பிரவீன் காவல்நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் சேப்பாக்கத்தில் வசிக்கும் ஸ்டெர்லின் என்பவரை கைது செய்து விசாரணை மேற்கொண்டு வருகின்றனர்.