தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது. இதற்கு மத்தியில் அரசியல் கட்சியினர் மக்களிடம் நேரடி பிரச்சாரத்தில் இறங்கியுள்ளனர்.
இந்நிலையில் கோவில்பட்டி தொகுதியில் களம் காணும் டிடிவி தினகரன் தீவிர பிரச்சாரம் மேற்கொண்டு வருகிறார். அந்த வகையில் பிரச்சாரம் மேற்கொண்ட அவர், மக்கள் விரும்பாத ஒரு ஆட்சி தான் தமிழகத்தில் நடைபெற்று கொண்டிருக்கிறது. ஆடு, மாடு, கோழியை விலைக்கு வாங்குவது போல மக்களை விலைக்கு வாங்க நினைக்கிறார்கள்” என்று பேசியுள்ளார்.