ஆடு மேய்க்கும் பெண்ணை கர்ப்பமாக்கிய குற்றத்திற்காக முதியவரை காவல்துறையினர் கைது செய்துள்ளனர்.
திருச்சி மாவட்டத்தில் உள்ள வடக்கு மணிகண்டம் பகுதியில் 80 வயதுடைய சங்கப்பிள்ளை என்பவர் வசித்து வருகிறார். இந்த முதியவர் அதே பகுதியில் வசிக்கும் திருமணமாகாத 28 வயது ஆடுமேய்க்கும் பெண்ணை வற்புறுத்தி பாலியல் பலாத்காரம் செய்துள்ளார். இந்நிலையில் வயிற்று வலியால் அவதிப்பட்ட பெண்ணை உறவினர்கள் சிகிச்சைக்காக அரசு மருத்துவமனைக்கு அழைத்து சென்றனர். அங்கு பெண்ணை பரிசோதித்த மருத்துவர்கள் அவர் கர்ப்பமாக இருப்பதாக தெரிவித்துள்ளனர். இதனை கேட்டு அதிர்ச்சி அடைந்த உறவினர்கள் ஜீயபுரம் அனைத்து மகளிர் காவல் நிலையத்தில் புகார் அளித்தனர். அந்த புகாரின் பேரில் வழக்குப்பதிவு செய்த காவல்துறையினர் சங்க பிள்ளையை கைது செய்து விசாரணை மேற்கொண்டு வருகின்றனர்.