காட்டெருமை தாக்கி முதியவர் படுகாயமடைந்த சம்பவம் பொதுமக்களிடையே அச்சத்தை ஏற்படுத்தியுள்ளது.
திண்டுக்கல் மாவட்டத்தில் உள்ள மீனாட்சி ஊத்து கிராமத்தில் பாலகிருஷ்ணன் என்பவர் வசித்து வருகிறார். இந்த முதியவர் நேற்று காலை தனது வீட்டிற்கு பின்புறம் ஆடு மேய்த்து கொண்டிருந்தார். அப்போது புதர் மறைவில் நின்று கொண்டிருந்த காட்டெருமை பாலகிருஷ்ணனை முட்டி தாக்கி தூக்கி வீசியது. அவரது அலறல் சத்தம் கேட்டு ஓடி வந்த அக்கம் பக்கத்தினர் காட்டெருமையை விரட்டி பாலகிருஷ்ணனை மீட்டு பெரும்பாறையில் இருக்கும் அரசு ஆரம்ப சுகாதார நிலையத்தில் சிகிச்சைக்காக அனுமதித்தனர். பின்னர் அவர் திண்டுக்கல் அரசு மருத்துவமனைக்கு மேல் சிகிச்சைக்காக அனுப்பி வைக்கப்பட்டார். அங்கு அவருக்கு தீவிர சிகிச்சை அளிக்கப்பட்டு வருகிறது. இந்த சம்பவம் பொதுமக்களிடையே அச்சத்தை ஏற்படுத்தியுள்ளது.