நீலகிரி மாவட்டத்தில் கூடலூரில் ஆட்கொல்லி புலி 4 பேரை அடித்து கொன்றுள்ளது. அதனால் அந்த புலியை பிடிப்பதற்கான பணி தீவிரப்படுத்தப்பட்டுள்ளது. அதன்படி தமிழக,கேரள வனத்துறையினர் மற்றும் அதிரடிப்படையினர் ஆகியோர் இன்று 10வது நாளாக புலியை தேடும் பணியில் ஈடுபட்டுள்ளனர். அந்தப் புலியை மயக்க ஊசி செலுத்தி பிடிப்பதற்காக கால்நடை டாக்டர்களும் தயாராக உள்ளனர். மேலும் 40க்கும் மேற்பட்ட இடங்களில் கண்காணிப்பு கேமரா மற்றும் 3 டிரோன் கேமரா மூலம் புலியை பிடிப்பதற்கு கண்காணித்து வருகின்றனர்.
இதனிடையில் முதன்மை வன உயிரின காப்பாளர் சேகர் குமார் நீரஜ் இன்று மசினகுடி வந்து புலியை பிடிக்கும் பணியில் ஈடுபட்டவர்களிடம் ஆலோசனை மேற்கொண்டார். அதன் பிறகு செய்தியாளர்களிடம் பேசிய அவர், அந்த ஆட்கொல்லி புலியை சுட்டு பிடிப்பதற்காக எந்த ஒரு உத்தரவும் பிறப்பிக்கப்படவில்லை. அந்த புலியை உயிருடன் மயக்க ஊசி செலுத்தி பிடிப்பதற்காக கால்நடை டாக்டர்கள் வனத்துறையினர் தீவிர பணியில் ஈடுபட்டுள்ளனர் என்று அவர் தெரிவித்துள்ளார்.