மின்னல் தாக்கி பெண் உயிரிழந்த சம்பவம் சோகத்தை ஏற்படுத்தியுள்ளது.
சேலம் மாவட்டத்திலுள்ள மோட்டூர் காட்டுவளவு பகுதியில் நடேசன் என்பவர் வசித்து வருகிறார். இவருக்கு வளர்மதி என்ற மனைவி இருந்துள்ளார். நேற்று மாலை தேவூர் பகுதியில் இடி மின்னலுடன் கூடிய மழை பெய்தது. இந்நிலையில் வளர்மதி மேய்ச்சலுக்கு விட்டு இருந்த ஆட்டை வீட்டிற்கு பிடித்து வந்து கொண்டிருந்தார். அப்போது எதிர்பாராதவிதமாக வளர்மதி மீது மின்னல் தாக்கியது.
இதனால் படுகாயமடைந்த வளர்மதியை அருகில் உள்ளவர்கள் மீட்டு மருத்துவமனையில் சிகிச்சைக்காக அனுமதித்துள்ளனர். ஆனால் அங்கு அளிக்கப்பட்ட சிகிச்சை பலனின்றி வளர்மதி பரிதாபமாக இறந்துவிட்டார். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.