சட்ட விரோதமாக மதுபாட்டில்கள் கடத்திய குற்றத்திற்காக 2 பேரை காவல்துறையினர் கைது செய்துள்ளனர்.
தூத்துக்குடி மாவட்டத்தில் உள்ள நல்லமூப்பன் மடம், புதூர் ஆகிய பகுதியில் காவல்துறையினர் தீவிர ரோந்து பணியில் ஈடுபட்டுள்ளனர். இந்நிலையில் அவ்வழியாக வந்த ஆட்டோவை காவல்துறையினர் நிறுத்தி சோதனை செய்துள்ளனர். அப்போது ஆட்டோவில் சட்டவிரோதமாக மதுபாட்டில்கள் கடத்தி வந்தது தெரியவந்துள்ளது.
இதனை அடுத்து மதுபாட்டில்களை கடத்திய குற்றத்திற்காக நாகராஜ் மற்றும் முருகன் ஆகிய 2 பேரை காவல்துறையினர் கைது செய்துள்ளனர். மேலும் இது குறித்து வழக்குப்பதிவு செய்த காவல்துறையினர் 410 மது பாட்டில்கள் மற்றும் ஆட்டோவை பறிமுதல் செய்து விசாரணை மேற்கொண்டு வருகின்றனர்.