தமிழகத்தில் கொரோனா பாதிப்பு குறைந்து வந்ததையடுத்து படிப்படியாக ஊரடங்கு தளர்வுகள் அறிவிக்கப்பட்டு கட்டுப்பாடுகள் தளர்த்தப்பட்டுள்ளன . அதனால் மக்கள் மீண்டும் வேலை தேடும் முயற்சியில் ஈடுபட்டு வருகின்றனர். அவர்களுக்கு உதவும் வகையில் அரசு தனியார் வேலைவாய்ப்பு முகாம்களை நடத்த அனுமதி வழங்கியுள்ளது.இதையடுத்து அனைத்து மாவட்டங்களிலும் ஒவ்வொரு வாரமும் தனியார் துறைகள் சார்பாக மாவட்ட வேலைவாய்ப்பு மற்றும் தொழில் நெறி காட்டும் அலுவலகத்தில் தனியார் வேலைவாய்ப்பு முகாம்கள் நடைபெற்று வருகிறது.
இந்நிலையில் நாமக்கல் மாவட்ட நிர்வாகம் சார்பில் நாளை மாவட்ட அளவிலான தனியார் வேலைவாய்ப்பு முகாம் மகேந்திரா பொறியியல் கல்லூரி வளாகம் மல்லசமுத்திரத்தில் நடைபெற உள்ளது. இந்த வேலைவாய்ப்பு முகாமில் நாமக்கல் மாவட்டத்தில் படித்த வேலை வாய்ப்பற்ற ஆண்கள், பெண்கள் கலந்து கொள்ளலாம். வெளியூரில் இருப்பவர்கள் உடனே கிளம்பி நாளை நடைபெற உள்ள வேலைவாய்ப்பு முகாமில் கலந்து கொண்டு நல்ல சம்பளத்துடன் வேலையை உறுதி செய்யுமாறு அறிவுறுத்தப்பட்டுள்ளது.