ஆண்டுக்கு 10 நாட்கள் மட்டும் காட்சியளிக்கும் அம்மனைப் பற்றி இந்த தொகுப்பில் நாம் தெரிந்துகொள்வோம்.
கும்பகோணத்தில் இருந்து 10 கி.மீ தொலைவில் உள்ளது திருநரையூர் என்னும் நாச்சியார் கோயில். இங்கு தான் ஆகாச மாரியம்மன் கோயில் உள்ளது. கருவறையில் அம்மன் சிலையாக இல்லாமல் தீபஒளியாக காட்சியளிக்கிறாள். ஒரு ஆண்டுக்கு 10 நாட்கள் மட்டும் சமயபுரம் மாரியம்மன் இங்கு எழுந்தருள்வாள். வைகாசி அமாவாசையை அடுத்து வரும் வெள்ளிக்கிழமையில் சமயபுரம் மாரியம்மனுக்கு இங்கு வழிபாடு நடக்கும். அப்போது தர்ப்பையால் அம்மன் உருவம் செய்து வெள்ளியாலான கண், காது, மூக்கு வைத்து அலங்காரம் செய்வார்கள்.