மொபைல் நம்பர் இல்லாமல் ஆதார் கார்டு டவுன்லோட் செய்வது இனி மிகவும் ஈஸி. அது எப்படி என்பதை பற்றி இதில் நாம் தெரிந்துகொள்வோம்.
ஆதார் கார்டு பயன்படுத்துவோருக்கு ஒரு நல்ல செய்தி வெளியாகியுள்ளது இப்போது பதிவு செய்ய மொபைல் எண் இல்லாமல் கூட உங்கள் ஆதார் கார்டை பதிவிறக்கம் செய்துகொள்ளலாம். இதற்கு முன்பு ஆதார் அட்டையை பதிவிறக்கம் செய்ய ஆதாருடன் இணைக்கப்பட்ட பதிவு செய்யப்பட்ட மொபைல் எண் தேவைப்பட்டது.
ஆதார் வழங்கும் இந்திய தனித்துவ அடையாள ஆணையம் இதனை தற்போது அறிவித்துள்ளது. அதன்படி தங்கள் மொபைல் எண்ணை பதிவு செய்யாதவர்கள் அல்லது தங்கள் எண்ணிலிருந்து கார்டை பதிவிறக்கம் செய்வதில் ஏதேனும் சிக்கல் உள்ளவர்களுக்கு இந்த நடவடிக்கை எடுக்கப்பட்டுள்ளது. ஆதாருடன் இணைக்கப்பட்ட மொபைல் எண் இல்லாமல் ஆதார் அட்டையை எவ்வாறு பதிவிறக்கம் செய்யலாம் என்பதை பற்றி நாம் தெரிந்துகொள்வோம்.
ஆதாரை பதிவிறக்கம் செய்யும் வழிமுறை:
1. முதலில் UIDAI அமைப்பின் அதிகாரப்பூர்வ இணையதளத்திற்குச் சென்று ‘My Aadhaar’ என்பதைத் கிளிக் செய்யவும்.
2. இப்போது ‘ஆர்டர் ஆதார் பிவிசி கார்டு’ என்பதைக் கிளிக் செய்யவும்.
3. அடுத்து 12 இலக்க ஆதார் எண்ணை உள்ளிடுமாறு கேட்கப்படுவீர்கள்.
4. இங்கே நீங்கள் ஆதார் எண்ணுக்குப் பதிலாக 16 இலக்க மெய்நிகர் அடையாள எண்ணையும் (VID) உள்ளிடலாம்.
5. இந்த செயல்முறைக்குப் பிறகு, உங்களுக்கு வழங்கப்பட்ட கேப்ட்சா குறியீட்டை உள்ளிடவும்.
6. பதிவு செய்யப்பட்ட மொபைல் எண் இல்லாமல் கார்டை பதிவிறக்கம் செய்ய விரும்பினால், ‘My mobile number is not registered’ என்ற விருப்பத்தை கிளிக் செய்யவும்.
7. இப்போது உங்கள் மாற்று எண் அல்லது பதிவு செய்யப்படாத மொபைல் எண்ணை உள்ளிடவும்.
8. ‘Send OTP’ என்பதைக் கிளிக் செய்யவும் 9. அடுத்து நீங்கள் உள்ளிட்ட மாற்று எண்ணுக்கு ஒரு முறை கடவுச்சொல் (OTP) அனுப்பப்படும்.
10. அடுத்து, ‘Terms and Conditions’ பாக்ஸை கிளிக் செய்து, இறுதியாக ‘Submit’ கொடுக்க வேண்டும்.
11. கடைசியாக, ‘Make Payment’ என்ற விருப்பத்தைத் தேர்ந்தெடுத்து பணம் செலுத்த வேண்டும்.