கடந்த வருடம் ஆப்கானிஸ்தான் நாட்டில் தலிபான்கள் ஆட்சியை கைப்பற்றியதிலிருந்து நாட்டு மக்களுக்கு பல கட்டுப்பாடுகளை விதித்து வருகின்றனர். அந்த அடிப்படையில் இப்போது பள்ளி மாணவர்கள் கழுத்துப்பட்டை அணிய தேவையில்லை என்று அந்நாட்டு கல்வி இயக்குனரகம் தெரிவித்துள்ளது. இது குறித்து அனைத்து பள்ளிகளுக்கும் சுற்றறிக்கை அனுப்பி உத்தரவை அமல்படுத்த வேண்டும் எனவும் தெரிவித்துள்ளது.
ஆப்கானிஸ்தான் நாட்டில் பெண்களுக்கான மேல்நிலைப் பள்ளிகள் மூடப்பட்டு இருக்கும் சூழ்நிலையில், பள்ளிகளை மீண்டும் திறப்பது குறித்து பணிகள் கிட்டத்தட்ட முடிவடைந்து விட்டதாகவும், மாணவிகளின் சீருடை உள்ளிட்டவை தொடர்பாக திட்டம் முழுமையாக தயாரிக்கப்பட்ட பின் பள்ளிகள் திறக்கப்படும் என்றும் தலிபான்கள் அறிவித்துள்ளனர்.