உத்திரப் பிரதேசம், உத்தரகாண்ட், கோவா, பஞ்சாப், மணிப்பூர் மாநில சட்டப்பேரவைத் தேர்தல் பிப்ரவரி 10ஆம் தேதி நடைபெறும் என்று தேர்தல் ஆணையர் சுஷில் சந்திரா அறிவித்துள்ளார். உத்திரபிரதேசத்தில் முதல்கட்ட வாக்குப்பதிவு பிப்ரவரி 10, இரண்டாம் கட்ட வாக்குப்பதிவு 14, 3 வது கட்ட வாக்குப்பதிவு 20, 4 வது கட்ட வாக்குப்பதிவு 23, 5 வது கட்ட வாக்குப்பதிவு 27, 6 வது கட்ட வாக்குப்பதிவு மார்ச் 3, 7 வது கட்ட வாக்குப்பதிவு மார்ச் 7 ஆகிய நாட்களில் நடைபெறும். மேலும் ஜனவரி 15 வரை அனைத்து கட்சிகளும் தேர்தல் தொடர்பான பணிகளில் ஈடுபட தடை விதிக்கப்பட்டுள்ளது.
அதனை தொடர்ந்து,பஞ்சாப், கோவா, உத்தரகாண்ட் மாநிலத்தில் பிப்ரவரி 14ஆம் தேதி தேர்தல் நடைபெறும். மேலும் மணிப்பூரில் பிப்ரவரி 27ஆம் தேதி முதல் கட்ட தேர்தல் மற்றும் மார்ச் 3ஆம் தேதி இரண்டாம் கட்ட தேர்தல் நடைபெறும். இதையடுத்து பேசிய தலைமைத் தேர்தல் ஆணையர், சி-விஜிலென்ஸ் ஆப் மூலம் புகார்கள் உடனடியாக தெரிவிக்கலாம். புகார் தெரிவித்த 100 நிமிடங்களில் நடவடிக்கை எடுக்கப்படும். மேலும் வாக்காளர்களின் உரிமைகள் பற்றி மற்றும் எப்படி வாக்களிக்க வேண்டும் என்பது பற்றி இணையதளத்தில் அறிந்து கொள்ளலாம் என்று தெரிவித்துள்ளார்.