நடிகை, ஒய். எஸ். ஆர்.காங்கிரஸ் கட்சியின் எம்.எல்.ஏ.ரோஜா ஆம்புலன்ஸ் வாகனத்தை ஓட்டி சர்ச்சையில் சிக்கியுள்ளார்.
90களில் முன்னணி கதாநாயகியாக இருந்த ரோஜா டைரக்டர் ஆர் .கே .செல்வகுமார் அவர்களை காதலித்து திருமணம் செய்து கொண்டவர் அதன்பிறகு ஆந்திர அரசியலில் குதித்தார். ஆந்திராவில் நகரி தொகுதிக்கு உட்பட்ட கிராமங்களுக்கு அனைத்து மருத்துவ வசதிகளுடன் கூடிய 108 ஆம்புலன்ஸ் சேவையை வழங்குவதற்காக ஆம்புலன்ஸ் வாகனங்களை ஒப்படைக்கும் நிகழ்ச்சியில் ஆந்திர முதலமைச்சர் ஜெகன்மோகன் ரெட்டி கலந்து கொண்டு தொடங்கி வைத்தார்.
இதில் நடிகை மற்றும் ஒய். எஸ். ஆர் .காங்கிரஸ் கட்சியின் நகரி தொகுதி எம்.எல்.ஏ. ரோஜாவும் கலந்து கொண்டார். நிகழ்ச்சியில் திடீரென ரோஜா ஆம்புலன்ஸில் டிரைவர் சீட்டில் அமர்ந்து ஆம்புலன்ஸ் ஓட்ட தொடங்கிவிட்டார். நகரியில் சுமார் 20 கிலோமீட்டர் தூரம் வரை ஆம்புலன்ஸை அவரே ஓட்டிச் சென்றார் இவரின் செயலை தெலுங்கு தேசிய கட்சி ரோஜா சாகசம் செய்வதற்காக ஆம்புலன்ஸ் ஓட்டியுள்ளார் எனவும் மற்றும் ஆம்புலன்ஸ் ஓட்டுவதற்கு அவருக்கு லைசென்ஸ் உள்ளதா? என்றும் கேள்வியும் எழுப்பியது.