சிவகங்கை மாவட்ட ஆரம்பப்பள்ளி ஆசிரியர் கூட்டணியின் புதிய நிர்வாகிகள் தேர்வு செய்யப்பட்டனர்.
சிவகங்கையில் தமிழ்நாடு ஆரம்பப்பள்ளி ஆசிரியர் கூட்டணி தேர்தல் நடைபெற்றது. மாவட்ட தேர்தலை மதுரை மாவட்ட செயலாளரும், தேர்தல் ஆணையாளருமான ஒச்சுக்காளை, மாநில செயற்குழு உறுப்பினரும், துணை ஆணையாளருமான பேச்சியம்மாள் நடத்தி வைத்தனர். இதில் மாவட்ட பொருளாளராக கலைச்செல்வி, மாவட்டத் தலைவராக தாமஸ் அமலநாதன், மாநில செயற்குழு உறுப்பினராக புரட்சித்தம்பி, மாவட்ட செயலாளராக முத்துப்பாண்டியன், மாவட்ட துணைத் தலைவர்களாக ரவி, மாலா, ஸ்டீபன் ஆகியோர் போட்டியின்றி தேந்தெடுக்கப்பட்டனர்.
அதேபோல் மாநில பொதுக்குழு உறுப்பினர்களாக ஆரோக்கியராஜ், ஞான அற்புதராஜ், குமரேசன், மாவட்ட துணை செயலாளர்களாக ஜான் அந்தோணிராஜ், ஜீவா ஆனந்தி, அமல சேவியர், திருப்பத்தூர் கல்வி மாவட்ட செயலாளராக சிங்கராயர், திருப்பத்தூர் கல்வி மாவட்ட தலைவராக பாலகிருஷ்ணன், தேவகோட்டை கல்வி செயலாளராக சகாயதைனேஷ், மாவட்ட தலைவராக ஜோசப் ஆகியோர் போட்டியின்றி தேர்ந்தெடுக்கப்பட்டனர். அதன்பின் மாநில துணைத்தலைவர் ஜோசப்ரோஸ் உள்ளிட்ட நிர்வாகிகள் பொதுக்குழுவில் புதிய நிர்வாகிகளை வாழ்த்தி பேசினார்கள்.