ஆர்யா நடிப்பில் உருவாகியுள்ள அரண்மனை- 3 படத்தின் புதிய பாடல் வெளியாகியுள்ளது.
தமிழ் திரையுலகில் முன்னணி இயக்குனராக வலம் வரும் சுந்தர்.சி இயக்கத்தில் வெளியான அரண்மனை, அரண்மனை-2 ஆகிய படங்கள் சூப்பர் ஹிட் அடித்தது. தற்போது இந்த படத்தின் மூன்றாம் பாகம் மிகப் பிரம்மாண்டமாக உருவாகியுள்ளது. சுந்தர்.சி இயக்கியுள்ள இந்த படத்தில் ஆர்யா கதாநாயகனாகவும், ராஷி கண்ணா கதாநாயகியாகவும் நடித்துள்ளனர். மேலும் ஆண்ட்ரியா, சுந்தர்.சி, சாக்ஷி அகர்வால், விவேக், யோகி பாபு, மனோபாலா, நளினி உள்ளிட்ட பலர் முக்கிய கதாபாத்திரங்களில் நடித்துள்ளனர் .
அவ்னி சினிமாஸ் நிறுவனம் தயாரித்துள்ள இந்த படத்திற்கு சத்யா.சி இசையமைத்துள்ளார். ஏற்கனவே இந்த படத்திலிருந்து இரண்டு பாடல்கள் வெளியாகி ரசிகர்களை வெகுவாக கவர்ந்தது. இந்நிலையில் அரண்மனை-3 படத்தில் இடம்பெற்ற ‘லொஜக் மொஜக்’ என்ற பாடல் வெளியாகியுள்ளது. இந்த கலக்கலான பாடல் தற்போது இணையத்தில் வைரலாகி வருகிறது.