ஆர்யா நடிப்பில் உருவாகியுள்ள அரண்மனை-3 படத்தின் டிரைலர் வெளியாகியுள்ளது.
தமிழ் திரையுலகில் முன்னணி நடிகராக வலம் வருபவர் ஆர்யா. தற்போது இவர் ஆனந்த் சங்கர் இயக்கத்தில் விஷால் ஹீரோவாக நடித்துள்ள எனிமி படத்தில் வில்லனாக நடித்துள்ளார். இந்த படம் வருகிற அக்டோபர் 14-ஆம் தேதி ஆயுத பூஜையன்று தியேட்டர்களில் ரிலீஸாக உள்ளது. மேலும் அதே நாளில் சுந்தர்.சி இயக்கத்தில் ஆர்யா கதாநாயகனாக நடித்துள்ள அரண்மனை-3 படமும் தியேட்டர்களில் ரிலீஸாக இருக்கிறது.
இந்த படத்தில் ராஷி கண்ணா, ஆண்ட்ரியா, மறைந்த நகைச்சுவை நடிகர் விவேக், யோகி பாபு, சாக்ஷி அகர்வால், மனோபாலா, நளினி, மைனா நந்தினி, வேலராமமூர்த்தி உள்ளிட்ட பலர் நடித்துள்ளனர். அவ்னி சினிமாஸ் நிறுவனம் தயாரித்துள்ள இந்த படத்திற்கு சத்யா.சி இசையமைத்துள்ளார். அரண்மனை படத்தின் முதல் இரண்டு பாகங்களும் சூப்பர் ஹிட் அடித்தது. தற்போது அரண்மனை- 3 படத்தின் ரிலீஸை எதிர்நோக்கி ரசிகர்கள் ஆவலுடன் காத்துக் கொண்டிருக்கின்றனர். இந்நிலையில் அரண்மனை-3 படத்தின் செம திரில்லான டிரைலர் வெளியாகி இணையத்தில் வைரலாகி வருகிறது.