ஆற்றில் கொட்டப்படும் குப்பைகள் மற்றும் பிளாஸ்டிக் ஒழிப்பு தொடர்பான விழிப்புணர்வை மாவட்ட ஆட்சியர் ஏற்படுத்தியுள்ளார்.
திருநெல்வேலி மாவட்டத்தில் உள்ள தாமிரபரணி ஆற்றில் குப்பைகளை கொட்டுவதை தடுக்கும் விதமாக ‘தூய பொருநை நெல்லைக்கு பெருமை’ என்ற தலைப்பில் பல்வேறு நடவடிக்கைகள் மேற்கொள்ளப்பட்டு வருகிறது. அந்த வகையில் தாமிரபரணி ஆற்றை தூய்மைப்படுத்தும் பணி தொடங்கியுள்ளது. இந்த தூய்மை பணி பாபநாசம் முதல் மருதூர் அணைக்கட்டு வரை நடைபெற்றது. இந்த தூய்மை பணியில் தன்னார்வலர்கள், பொதுமக்கள், துப்புரவு பணியாளர்கள், மாணவ-மாணவிகள் ஈடுபட்டனர்.
இந்த நிகழ்ச்சியை மாவட்ட ஆட்சியர் விஷ்ணு தொடங்கி வைத்தார். இவர் ஆற்றியில் குப்பைகள் கொட்டுவதை தடுக்கும் விதமாக, பிளாஸ்டிக் ஒழிப்பு தொடர்பான விழிப்புணர்வை ஏற்படுத்துவதற்காகவும் பாபநாசம் அணையில் இருந்து சுமார் 3 கிலோ மீட்டர் தூரம் வரை படகில் சென்றுள்ளார். இந்த விழிப்புணர்வு நிகழ்ச்சியின் போது மாவட்ட ஆட்சியருடன் தீயணைப்பு வீரர்களும் படகில் சென்றனர். அப்போது தீயணைப்பு வீரர் ஒருவர் ‘சொர்க்கமே என்றாலும் அது திருநெல்வேலி போல் ஆகுமா’ என்ற பாடலை பாடியுள்ளார். இந்த பாடல் தற்போது சமூக வலைதளங்களில் வைரல் ஆகி வருகிறது.