நாமக்கல் மாவட்டத்தில் ஆற்றில் குளிக்க சென்ற வாலிபர் தண்ணீரில் மூழ்கி இறந்த சம்பவம் சோகத்தை ஏற்படுத்தியுள்ளது.
நாமக்கல் மாவட்டத்திலுள்ள முள்ளாம்பரப்பு பகுதியில் தினேஷ் குமார் என்பவர் வசித்து வந்தார். இந்நிலையில் அவர் கொக்கராயன்பேட்டை பகுதியிலுள்ள காவிரி ஆற்றில் குளிக்க சென்றுள்ளார். அப்போது ஆழமான பகுதிக்கு சென்ற தினேஷ்குமார் நீச்சல் தெரியாததால் தண்ணீரில் மூழ்கியுள்ளார். இதனை பார்த்து அதிர்ச்சியடைந்த ஆற்றில் குளித்தவர்கள் காவல் துறைக்குயினருக்கு தகவல் தெரிவித்துள்ளனர்.
இதுக்குறித்து தகவலறிந்த காவல் துறையினர் சம்பவ இடத்திற்கு விரைந்து சென்று தண்ணீரில் மூழ்கிய தினேஷ்குமாரை தேடி இறந்த நிலையில் அவரை மீட்டுள்ளனர். இதனையடுத்து அவரின் உடலை பிரேத பரிசோதனைக்காக மருத்துவமனைக்கு அனுப்பி வைத்துள்ளனர். மேலும் இந்த சம்பவம் குறித்து காவல் துறையினர் வழக்குப்பதிவு செய்து விசாரணை மேற்கொண்டு வருகின்றனர்.