அரண்மனை படத்தின் நான்காம் பாகம் உருவாக இருப்பதாக தகவல் வெளியாகியுள்ளது.
தமிழ் திரையுலகில் கடந்த 2014-ஆம் ஆண்டு வெளியாகி சூப்பர் ஹிட் அடித்த திரைப்படம் அரண்மனை. இந்த படத்தை சுந்தர்.சி இயக்கி நடித்திருந்தார். மேலும் அவருடன் இணைந்து ஹன்சிகா, ஆண்ட்ரியா, சந்தானம், மனோபாலா, கோவை சரளா உள்ளிட்ட பலர் நடித்திருந்தனர். இதைத் தொடர்ந்து கடந்த 2016-ஆம் ஆண்டு இந்த படத்தின் இரண்டாம் பாகம் வெளியாகி நல்ல வரவேற்பை பெற்றது. தற்போது ‘அரண்மனை-3’ படம் மிகப்பிரம்மாண்டமாக உருவாகியுள்ளது .
சுந்தர்.சி இயக்கியுள்ள இந்த படத்தில் ஆர்யா, ராஷி கண்ணா, ஆண்ட்ரியா, சாக்ஷி அகர்வால், விவேக், யோகி பாபு உள்ளிட்ட பலர் நடித்துள்ளனர். இந்த படத்தின் படப்பிடிப்புகள் நிறைவடைந்து ரிலீஸுக்கு தயாராகி வருகிறது. இந்நிலையில் அரண்மனை படத்தின் நான்காம் பாதத்தை எடுக்க இயக்குனர் சுந்தர்.சி முடிவு செய்துள்ளதாக தகவல் வெளியாகியுள்ளது. மேலும் இதற்கான திரைக் கதையையும் அவர் தயார் செய்துவிட்டதாக கூறப்படுகிறது. விரைவில் இதுகுறித்த அதிகாரப்பூர்வ அறிவிப்புகள் வெளியாகும் என எதிர்பார்க்கப்படுகிறது.