நடிகர் விஷ்ணு விஷால் நடிப்பில் உருவாகியுள்ள எப்.ஐ.ஆர் திரைப்படம் ஓடிடியில் ரிலீசாக இருந்த நிலையில் தற்பொழுது திரையரங்குகளில் வெளியாகும் என அறிவிக்கப்பட்டுள்ளது.
தமிழ் திரையுலகில் கடந்த 2009 ஆம் ஆண்டு வெளியான வெண்ணிலா கபடி குழு படத்தின் மூலம் கதாநாயகனாக அறிமுகமானவர் விஷ்ணு விஷால். தொடர்ந்து இவர் முண்டாசுபட்டி, ஜீவா, ராட்சசன் போன்ற பல படங்களில் நடித்து அசத்தினார். தற்போது இவர் நடிப்பில் வெளிவர இருக்கும் திரைப்படம் ‘எப்.ஐ.ஆர்’. இந்த திரைப்படத்தை அறிமுக இயக்குனர் ஆனந்த் இயக்கியுள்ளார் இவர் கௌதம் வாசுதேவ் மேனனின் உதவி இயக்குனர் ஆவார்.
மேலும் இந்த திரைப்படத்தின் முக்கிய கதாபாத்திரங்களில் மஞ்சிமா மோகன், ரைசா வில்சன், ரேபா மோனிகா மற்றும் பலர் நடித்துள்ளனர். இந்நிலையில் விஷ்ணு விஷால் நடிப்பில் உருவாகியுள்ள ‘எப்.ஐ.ஆர்’ திரைப்படம் கொரோனா பரவல் காரணமாக ஓடிடியில் ரிலீசாகும் என அறிவிக்கப்பட்டிருந்தது. அதனை தொடர்ந்து தற்போது தளர்வுகள் அறிவிக்கப்பட்டு இருப்பதால் வருகிற பிப்ரவரி 11ஆம் தேதி ‘எப்.ஐ.ஆர்’ திரைப்படம் திரையரங்குகளில் வெளியாகும் என்று படக்குழு அறிவித்துள்ளது. இந்த திரைப்படத்தை உதயநிதி ஸ்டாலினின் நிறுவனமான ரெட் ஜெயிண்ட் மூவிஸ் வெளியிடுவது குறிப்பிடத்தக்கது.