ஆக்கிரமிப்பட்ட ஏரியை கண்டுபிடித்து தருமாறு வாலிபர்கள் காவல் நிலையத்தில் புகார் அளித்துள்ளனர்.
புதுக்கோட்டை மாவட்டத்திலுள்ள கீரமங்கலம் பகுதியில் பெரியாத்தாள் ஏரி ஒன்று உள்ளது. இந்த ஏரியில் வரும் உபரி நீரால் சுமார் 25-க்கும் மேற்பட்ட கிராமங்கள் பயன் பெற்று வந்துள்ளன. இந்த சிறப்பு வாய்ந்த ஏரியானது தற்போதைய சூழ்நிலையில் ஆக்கிரமிப்புகள் அதிகரித்துவிட்டதால் காணாமல் போய்விட்டது. இந்நிலையில் ஏரியை கண்டுபிடித்து தருமாறு பல்வேறு மனுக்கள் கொடுக்கப்பட்ட போதிலும் எந்தவித நடவடிக்கைகளும் மேற்கொள்ளப்படவில்லை.
இதனை அடுத்து அப்பகுதியில் வசிக்கும் வாலிபர்கள் நீரின்றி அமையாது உலகு என்ற அமைப்பின் சார்பாக காவல் நிலையத்தில் ஆக்கிரமிக்கப்பட்ட ஏரியை கண்டுபிடித்து தருமாறு புகார் அளித்துள்ளனர். மேலும் நடவடிக்கை எடுக்கவில்லை எனில் வாலிபர்கள் சாலை மறியல் போராட்டத்தில் ஈடுபடப் போவதாகவும் தெரிவித்துள்ளனர்.