மோட்டார் சைக்கிளை திருடி சென்ற மர்ம நபரை காவல்துறையினர் தீவிரமாக தேடி வருகின்றனர்.
விருதுநகர் மாவட்டத்திலுள்ள ஆவியூர் அருகில் இருக்கும் தனியார் தொழிற்சாலையில் மதுரையை சேர்ந்த ராஜபாண்டி என்பவர் வேலை பார்த்து வருகிறார். இவர் தனது மோட்டார் சைக்கிளை தொழிற்சாலையின் எதிரே இருக்கும் டீ கடையில் நிறுத்திவிட்டு வேலைக்கு சென்றுள்ளார்.
இதனை அடுத்து திரும்பி வந்து பார்த்தபோது மோட்டார் சைக்கிள் காணாமல் போனதை கண்டு ராஜபாண்டி அதிர்ச்சி அடைந்தார். இதுகுறித்து ராஜபாண்டி காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் மோட்டார் சைக்கிளை திருடி சென்ற மர்ம நபர் குறித்து தீவிர விசாரணை மேற்கொண்டு வருகின்றனர்.