உத்திரபிரதேசத்தின் இடவாஹ் மாவட்டத்தையும் சித்திரகொட் மாவட்டத்தை இணைக்கும் வகையிலான 4 வழி நெடுஞ்சாலை கடந்த 16ஆம் தேதி பிரதமர் மோடி திறந்து வைத்தார். இந்த 4 வழி நெடுஞ்சாலை 296 கி.மீ. நீளம் கொண்டு அம்மாநிலத்தின் 7 மாவட்டங்களை கடந்து செல்கிறது. இந்த சாலைக்கு பண்டெல்காண்ட் எக்ஸ்பிரஸ் என பெயரிடப்பட்டுள்ளது. இதற்கிடையில் உத்தரபிரதேசத்தில் கடந்த சில நாட்களுக்கு முன் பெய்த கனமழை காரணமாக பண்டெல்காண்ட் எக்ஸ்பிரஸ் சாலை சேதம் அடைந்தது. இதனையடுத்து திறக்கப்பட்ட சில நாட்களிலேயே எக்ஸ்பிரஸ் சாலை மழையால் சேதமடைந்த நிகழ்வு சாலையில் தரம் குறித்த பல்வேறு கேள்விகளை எழுப்பி உள்ளது. மேலும் இந்த விவாகரத்தை எதிர்க்கட்சிகளும் ஆளும் பாஜக மீது கடும் விமர்சனங்களை முன்வைக்கின்றன.
இந்நிலையில் தனது ஆட்சி காலத்தில் அமைக்கப்பட்ட சாலையில் யானை செல்லும் வீடியோவை பதிவிட்டு சமாஜ்வாதி கட்சி தலைவர் அகிலேஷ் யாதவ் பாஜகவை கிண்டல் செய்துள்ளார். அந்த வீடியோவுடன் அவர் வெளியிட்டுள்ள பதிவில், கட்டுப்பாடுகள் இருந்த போதும் சமாஜ்வாதி கட்சியால் வலிமையாக கட்டப்பட்ட ஆக்ரா-லக்னோஸ் எக்ஸ்பிரஸ் யானை நடந்து செல்கிறது. இதுவே யானை தவறுதலாக பண்டெல் காண்ட் எக்ஸ்பிரஸ் சாலையில் நடந்து சென்றிருந்தால் யானையின் எடை தாங்காமல் இடிந்து விழுந்திருக்கும். மேலும் யானைக்கு காயம் ஏற்பட்டிருக்கும். எக்ஸ்பிரஸ் சாலைக்கான பாதுகாவலர் எங்கே? என்று அவர் பதிவிட்டுள்ளார்.