இடைத்தரகர்களிடம் உஷாரா இருங்க…. மருத்துவ பணியாளர் தேர்வு வாரியம் கடும் எச்சரிக்கை….!!!!

போலியான வாக்குறுதிகளை கூறி தவறான வழியில் வேலை வாங்கித் தருவதாக கூறும் இடைத்தரகர்களிடம் மிகவும் கவனமாக இருக்க வேண்டும் என்று மருத்துவப் பணியாளர் தேர்வு வாரியம் தெரிவித்துள்ளது.
இதுதொடர்பாக தமிழ்நாடு மருத்துவ பணியாளர் வெளியிட்டுள்ள அறிக்கையில் தெரிவிக்கப்பட்டிருப்பதாவது, மருத்துவம் மற்றும் மருத்துவம் சார்ந்த காலிப்பணியிடங்களை நிரப்புவதற்கு துறைத்தலைவர்கள் வழங்கும் தேவைகுறிப்பின் அடிப்படையில் அந்தந்தப் பணிகளுக்கு உரிய கல்வித் தகுதியுடன் கூடிய பொது விதி மற்றும் சிறப்பு விதிகளின் படி, வெளிப்படையான அறிவிக்கை வெளியிட்டு அதன் மூலம் மட்டுமே பணியாளர்களை தேர்வு செய்யும் அமைப்பாகும்.

அதனால் விண்ணப்பதாரர்கள் இந்த வாரியத்தின் இணையதளத்தைப் பார்வையிடுமாறு( www.mrb.tn.gov.in) கேட்டுக்கொள்ளப்படுகிறது. மேலும் யாரும் போலியான வாக்குறுதிகளை கூறி தவறான வழியில் வேலை வாங்கித் தருவதாக கூறும் தகவல்களை நம்ப வேண்டாம். அவர்களிடம் மிகவும் எச்சரிக்கையுடன் இருக்க வேண்டும். மேலும் இது போன்ற தவறான மற்றும் நேர்மையற்ற அவர்களால் விண்ணப்பதாரர்களுக்கு ஏற்படும் எந்தவித இழப்பிற்கும் மருத்துவ பணியாளர் தேர்வு வாரியம் எந்த விதத்திலும் பொறுப்பேற்காது என்று தெரிவித்துள்ளது.