கேரள மருத்துவ மாணவர்களின் நடனத்தை லவ் ஜிகாத் என மத அடிப்படை வாதிகள் விமர்சித்த நிலையில் மருத்துவ மாணவர்களுக்கு ஆதரவாக பலரும் தங்களின் நடன வீடியோவை பதிவேற்றி வருகின்றனர்.
கேரள மாநிலம் திரிசூரை சேர்ந்த மருத்துவ கல்லூரி மாணவர்கள் நவீன் கே.ரசாக் மற்றும் ஜானகி ஓம் பிரகாஷ் ஆகியோர் புகழ்பெற்ற ரஸ்புடின் பாடலுக்கு நடனமாடி அந்த வீடியோவை சமூக வலைதளத்தில் பதிவேற்றினர். இந்த வீடியோ சமூக வலைதளங்களில் வைரல் ஆனது.
பல லட்சம் பேர் பார்த்த இந்த வீடியோவை பார்த்து ரசித்துள்ள நிலையில் நிலையில் நடனமாடியவர்கள் வெவ்வேறு மதம் என்பதால் ‘லவ் ஜிகாத்’ எனவும் டான்ஸ் ஜிகாத் எனவும் மத அடிப்படைவாதிகள் விமர்சித்தனர். இதற்கு பதில் அளிக்கும் விதமாகவும் மருத்துவ மாணவர்களுக்கு ஆதரவாகவும் பலரும் அதே பாடலுக்கு நடனமாடி சமூகவலைதளத்தில் வீடியோ பதிவிட்டு வருகின்றனர்.