மின்கம்பி அறுந்து விழுந்து எருமை உயிரிழந்த சம்பவம் அதிர்ச்சியை ஏற்படுத்தியுள்ளது.
நாமக்கல் மாவட்டத்தில் உள்ள கீழ் பாலப்பட்டி பகுதியில் கணேசன் என்பவர் வசித்து வருகிறார். இவர் தனது வீட்டில் எருமை மாடுகளை வளர்த்து வருகிறார். இந்நிலையில் எருமைகள் மேய்ந்து கொண்டிருந்த போது மேலே சென்ற மின் கம்பி அறுந்து எதிர்பாராதவிதமாக ஒரு எருமை மீது விழுந்தது. இதனால் மின்சாரம் தாக்கி எருமை இறந்து கிடந்ததை பார்த்த பொதுமக்கள் மின்வாரியத்திற்கு தகவல் தெரிவித்தனர்.
அதன்படி மின்வாரிய ஊழியர்கள் மின் இணைப்பை துண்டித்தனர். இதனையடுத்து மழைக்காலங்களில் மின் கம்பங்களுக்கு அருகே மாடுகளை மேய்ச்சலுக்கு விடுவது, கம்பங்களில் மாடுகளை கட்டுவது போன்றவற்றை பொதுமக்கள் தவிர்க்க வேண்டும் என மின்வாரிய ஊழியர்கள் அறிவுறுத்தி உள்ளனர். இந்த சம்பவம் அப்பகுதியில் அதிர்ச்சியை ஏற்படுத்தியுள்ளது.