இந்தியாவில் 5 ஜி சேவையானது அக்டோபர் 1ஆம் தேதி முதல் தொடங்கப்பட்டது. நவம்பர் 26 ஆம் தேதி நிலவரப்படி 14 மாநிலங்கள்/ யூனியன் பிரதேசங்களில் உள்ள 50 நகரங்களில் 5ஜிசேவை வழங்கப்படுகிறது. ஜியோ மற்றும் ஏர்டெல் ஆகிய நிறுவனங்கள் இந்த சேவையை வழங்கி வருகின்றன. விரைவில் பிஎஸ்என்எல்லில் 5ஜி சேவை வரும் எனவும் தெரிவிக்கப்பட்டுள்ளது குறிப்பிடத்தக்கது.
இந்த நிலையில் இந்தியாவில் 5 ஜி சேவை வழங்கப்படும் 50 நகரங்களின் பட்டியலில் 30 குஜராத்தில் மட்டும் உள்ளன. குஜராத்தின் அகமதாபாத், காந்திநகர், கோத்ரா உள்ளிட்ட 30 நகரங்களிலும், மகாராஷ்டிராவில் மும்பை, நாக்பூர், புனே ஆகிய 3 நகரங்களிலும், மேற்குவங்கத்தில் கொல்கத்தா, சிலிகுரி ஆகிய 2 நகரங்களிலும், உ.பி.யில் வாரணாசி உ உள்ளிட்ட 2 நகரங்களிலும் 5 ஜி சேவை உள்ளன. ஆனால், தமிழகத்தில் சென்னையில் மட்டும் உள்ளது.