தளபதி விஜய் நடிப்பில் வம்சியின் இயக்கத்தில் வரும் பொங்கலுக்கு வெளியாக இருக்கும் படம் “வாரிசு”. தில்ராஜு தயாரித்திருக்கும் இந்த படத்திற்கு தமன் இசையமைக்க, ராஷ்மிகா மந்தனா கதாநாயகியாக நடித்துள்ளார். முன்பே இந்த படத்திலிருந்து வெளியான ரஞ்சிதமே, தீ தளபதி ஆகிய இரு பாடல்கள் வெளிவந்து நல்ல வரவேற்பை பெற்றது. இதையடுத்து வாரிசு திரைப்படத்தின் இசை வெளியிட்டு விழாவிற்காக ரசிகர்கள் காத்துகொண்டிருக்கிறார்கள்.
இந்த நிலையில் வாரிசு படத்தின் கதை இது தான் எனக்கூறி ஒரு செய்தி வெளியாகியுள்ளது. அதாவது “கவலை இன்றி வாழ்ந்து வரும் இளைஞர் தான் தளபதி விஜய். இதற்கிடையில் திடீரென்று விஜய்யின் வாழ்க்கையில் அனைத்தும் மாற, அவருடைய வளர்ப்பு தந்தை மரணமடைகிறார். இதன் காரணமாக அவருடைய கோடிக்கணக்கான தொழிலை ஒரு மகனாக எடுத்து நடத்தி அதில் வரும் எதிர்ப்புகளை எப்படி விஜய் எதிர்கொள்கிறார்” என்பதுதான் வாரிசு திரைப்படத்தின் கதை என தகவல் வெளியாகியுள்ளது.