கொரோனா விழிப்புணர்வு ஏற்படுத்தும் நோக்கில் தடுப்பூசி போடும்போது விவேக் கடைசியாக சிரித்துக்கொண்டே எடுத்துக்கொண்ட புகைப்படம் தற்போது வைரலாகி வருகிறது.
நடிகர் விவேக் மாரடைப்பு காரணமாக நேற்று சென்னையில் உள்ள தனியார் மருத்துவமனை ஒன்றில் சிகிச்சைக்காக அனுமதிக்கப்பட்டார். அங்கு தீவிர சிகிச்சை பிரிவில் அனுமதிக்கப்பட்டு அவருக்கு மருத்துவர்கள் சிகிச்சை அளித்தனர். வடபழனியில் உள்ள தனியார் மருத்துவமனையில் தீவிர சிகிச்சை பிரிவில் சிகிச்சை பெற்றுவந்த அவருக்கு எக்மோ கருவி மூலம் மருத்துவர்கள் சிகிச்சை அளித்து வந்தனர். சிகிச்சை பலனின்றி நடிகர் விவேக் காலமானார். அவரின் உடல் இல்லத்தில் அனைவரும் அஞ்சலி செலுத்தும் வகையில் வைக்கப்பட்டுள்ளது. இவரது மறைவுக்கு பலரும் இரங்கல் தெரிவித்து வருகிறார்கள்.
இந்நிலையில் கொரோனா விழிப்புணர்வு ஏற்படுத்தும் நோக்கில் தடுப்பூசி போடும்போது விவேக் கடைசி அவர் சிரித்துக்கொண்டே எடுத்துக்கொண்ட புகைப்படம் இது. மக்களை சிரிக்க வைத்த கலைஞன் கடைசியாகவும் சிரித்துக் கொண்டேதான் போட்டோவிற்கு போஸ் கொடுத்தார். இந்த புகைப்படம் தமிழக சினிமா ரசிகர்களுக்கு மறக்க முடியாததாக அமைந்துவிட்டது. மக்களை சிரிக்க வைத்த கலைஞரின் இறுதி ஊர்வலம் இன்னும் சற்று நேரத்தில் தொடங்க உள்ளது.