உணவுப்பற்றாக்குறை அடுத்த உலகளாவிய சுகாதார நெருக்கடியாக இருக்கலாம் என்று முன்னணி உலகளாவிய சுகாதார இயக்குனர் எச்சரிக்கை விடுத்து இருக்கிறார்.
வளர்ந்து வரும் உணவுப்பற்றாக்குறை உலகிற்கு கொரோனா தொற்று நோயைப் போன்ற அதே சுகாதார அச்சுறுத்தலைக் குறிக்கலாம் என ஒரு முன்னணி உலகளாவிய சுகாதார இயக்குனர் எச்சரிக்கை விடுத்துள்ளார். இதற்கிடையில் உக்ரைன் போரின் விளைவாக உணவு மற்றும் எரிசக்தியின் விலை அதிகரிப்பு, நேரடியாகவும் மறைமுகமாகவும் பல்வேறு லட்சக்கணக்கானவர்களைக் கொல்லக்கூடும் என எய்ட்ஸ், காசநோய் மற்றும் மலேரியாவை எதிர்த்துப் போராடுவதற்கான உலகளாவிய நிதியத்தின் நிர்வாக இயக்குனர் பீட்டர் சாண்ட்ஸ் ஒரு பேட்டியில் கூறினார். இது தொடர்பாக அவர் கூறியிருப்பதாவது “உணவுத் தட்டுப்பாடு 2 வழிகளில் மக்களை பாதிப்புக்கு ஆளாக்குகிறது.
இதில் ஒன்று மக்கள் உண்மையில் பட்டினியால் இறக்கும் சோகம் ஆகும். மற்றொன்று பெரும்பாலும் மிகப்பெரிய எண்ணிக்கையிலான மக்கள் மோசமான ஊட்டச்சத்துடன் இறக்கிறார்கள். இந்த ஊட்டச்சத்து குறைபாடு அவர்களை முன்பே இருக்கும் நோய்களால் மேலும் பாதிப்புக்குள்ளாக்குகிறது. அத்துடன் சில புத்தம் புதிய நோய்க் கிருமிகள் தனித்துவமான புது அறிகுறிகளுடன் தோன்றுவது போன்று உணவுப் பற்றாக்குறை நன்கு வரையறுக்கப்படவில்லை. ஆனால் இதுமிகவும் ஆபத்தானதாக இருக்கலாம். உணவுப்பற்றாக்குறையின் பின் விளைவுகளுக்குத் தயாராக செயல்படும் அடிப்படையில் சுகாதார அமைப்புகளை வலுப்படுத்த முதலீடு தேவை ” என்று சாண்ட்ஸ் கூறினார்.