செங்கல்பட்டு மாவட்டத்தில் அனுமந்தபுரம் கிராமத்தில் துப்பாக்கி சுடும் பயிற்சி தளம் அமைந்துள்ளது. இங்கு பல்வேறு படைகளை சேர்ந்த வீரர்கள் பயிற்சி பெறுவது வழக்கம். இந்த பகுதிக்கு அருகில் உள்ள வனப்பகுதியில் வெடிகுண்டு போல ஒரு மர்ம பொருள் கிடைப்பதாக போலீசாருக்கு தகவல் கிடைத்துள்ளது. இந்த தகவலின் பேரில் போலீசார் அங்கு விரைந்து சென்று அதனை ஆய்வு செய்துள்ளனர். இந்த ஆய்வில் அது ராக்கெட் லாஞ்சர் என்பது தெரியவந்துள்ளது. மேலும் அந்த பகுதியில் போலீசார் மொத்தம் மூன்று ராக்கெட் லாஞ்சர்களை கைபற்றியுள்ளனர்.
இது குறித்து நிபுணர்கள் குழு ஆய்வு மேற்கொண்ட பிறகு இது வெடித்ததா அல்லது வெடிக்காததா என்பது தெரிய வரும் என போலீசார் கூறியுள்ளனர். மேலும் அனுமந்தபுரம் வனப்பகுதியில் போலீசார் முகாமிட்டு தங்கி வேறு எங்கேயும் ராக்கெட் லாஞ்சர்கள் கிடைக்கின்றதா என்று தேடி வருகின்றனர். அது மட்டும் இல்லாமல் இந்த மூன்று ராக்கெட் லாஞ்சர்களையும் வேறு எந்த படைவீரர்களாவது பயிற்சியின்போது பயன்படுத்தினார்களா? என்பது குறித்தும் அதிகாரிகள் விசாரணை நடத்தி வருகின்றனர்.