ஐரோப்பா சீனாவுடன் வைத்திருக்கும் தொடர்பை துண்டிப்பது சரியான வழி அல்ல என்று ஜெர்மனியினுடைய வெளியுறவுத்துறையின் அமைச்சர் அறிக்கை விடுத்துள்ளார்.
சீனா திடீரென்று ஜின்ஜிங் உயகுர் முஸ்லிம்களுக்கு எதிராக மனித உரிமைக்கான மீறலில் ஈடுபட்டது. இதற்கு கண்டனம் தெரிவித்த அமெரிக்கா, கனடா, ஐரோப்பிய ஒன்றியம் மற்றும் இங்கிலாந்து உள்ளிட்ட நாடுகள் கடந்த மார்ச் மாதத்தில் சீன அதிகாரிகளில் பல நபர்கள் மீது பொருளாதார ரீதியாக தடை விதித்தது. இதனால் ஐரோப்பிய ஒன்றியத்திற்கும், சீனாவிற்குமிடையே பதட்டமான சூழல் ஏற்பட்டது. இதனையடுத்து சீனா கடந்த மார்ச் 22 ஆம் தேதி ஐரோப்பிய ஒன்றியம் விதித்திருந்த பொருளாதார ரீதியான தடைகளுக்கு பதிலடி கொடுத்தது.
இச்சம்பவம் இரு நாடுகளுக்குமிடையே புதிய விரிசலை ஏற்படுத்தியதாக ஐரோப்பிய ஒன்றியத்தின் வெளியுறவு கொள்கையின் தலைவரான ஜோசப் அறிக்கையிட்டுள்ளார். மேலும் சீனா ஐரோப்பிய ஒன்றியத்துடன் சில முக்கிய பிரிவிலுள்ளது. இந்த நிலையில் ஐரோப்பிய ஒன்றியம் சீனாவுடன் தொடர்பை துண்டிப்பது சரியான வழி அல்ல என்று ஜெர்மனியின் வெளியுறவுத்துறையின் அமைச்சரான மாஸ் மாஸ் கூறியுள்ளார்.