செய்தியாளர்கள் சந்திப்பில் பேசிய அண்ணாமலை தனக்கு ரபேல் விமானத்தை ஓட்டும் வாய்ப்பு தான் கிடைக்கவில்லை. அதன் காரணமாக தன் உடம்பில் உயிர் இருக்கும் வரை ரஃபேல் விமானத்தின் உதிரி பாகங்களால் செய்யப்பட்ட கைக்கடிகாரம் தன்னுடைய உடம்பில் இருக்கும் என்று கூறினார். இந்த கைக்கடிகாரத்தின் விலை 5 லட்சத்துக்கு மேல் இருக்கும் என்று கூறப்படுகிறது. இதனை அடுத்து அண்ணாமலை வாட்ச் பற்றிய விவகாரம் தான் தற்போது அரசியல் வட்டாரத்தில் பெரும் பூதாகரமாக வெடித்துள்ளது.
இந்நிலையில் டீக்கடையில் எப்போது ரபேல் வாட்ச் விவகாரம் பற்றி பேசுகிறார்களோ அன்று வாட்சின் பில்லை வெளியிடுவேன் என அண்ணாமலை கூறினார். இதுபற்றி கோவையில் நடந்த நிகழ்ச்சியில் பேசிய அவர், ரபேல் கடிகாரம் குறித்து அனைத்து அமைச்சர்களும் பேச வேண்டும். அப்போதுதான் அவர்களின் ஊழல் குறித்து வெளியே கொண்டு வர முடியும். சொத்து விவரங்களை வெளியிட்டு அரசியல் புரட்சி ஏற்படுத்த உள்ளோம் என்றார்.