பள்ளி மாணவர் ஒருவர் சைக்கிளில் வாஷிங்மெஷின் செய்து அசத்தியுள்ளார். இதுகுறித்த தகவல்களை இதில் பார்ப்போம்.
இந்தியாவில் இருக்கும் இளைஞர்களுக்கு பல திறமைகளும், கிரியேட்டிவிட்டி யும் அதிக அளவில் உள்ளது. அவர்களுக்கு வாய்ப்பு வழங்கினால் தங்களது திறமைகளை மிக சிறப்பாக நிரூபித்து காண்பிப்பார்கள். அப்படி ஒரு சிறுவனின் வீடியோவானது சமூக வலைதளங்களில் வைரலாக பரவி வருகிறது. இந்தியாவில் நடுத்தர மற்றும் பணக்கார வீடுகளில் வாஷிங் மெஷின் பொதுவாக இருக்கும். வீட்டில் அல்லது வேலைக்குச் செல்லும் பெண்கள் துணி துவைப்பதற்கு வாஷிங்மெஷினை பயன்படுத்தி வருகின்றன. இன்று பல வீடுகளில் வாசிங்மிஷின் இருந்தாலும், ஏழை குடும்பங்களில் வாசிங்மிஷின் வாங்கும் அளவிற்கு பணம் இல்லை.
அவர்களுக்காக பள்ளி சிறுவன் ஒருவன் தயாரித்த எளிமையான வாசிங்மிசின் தான் தற்போது வைரலாகி வருகிறது. இந்த வீடியோவில் அந்த சிறுவன் ஒரு சைக்கிள் மற்றும் ஒர டிரம்மை வைத்து வாஷிங்மெஷினை உருவாக்குகிறார். வீடியோவில் எப்படி அந்த வாஷிங் மெஷின் இயங்குகிறது என்பதை குறித்து விரிவாக விளக்குகிறார். ஒரு அழுக்குத் துணியை எடுத்து அந்த மெஷினுக்குள் போட்டு பூட்டி அந்த சைக்கிளை இயக்குகிறான். சில நிமிடங்கள் கழித்து சைக்கிளில் இருந்து இறங்கி அந்த துணியை எடுத்து பார்க்கும் பொழுது அது வெள்ளையாக அழுக்கு இல்லாமல் மாறிவிடுகிறது. இதை பார்த்த பலரும் அந்த சிறுவனை பாராட்டி வருகின்றன.