பள்ளி மாணவர்கள் சாலையில் அமர்ந்து போராட்டத்தில் ஈடுபட்ட சம்பவம் பரபரப்பை ஏற்படுத்தியுள்ளது.
திருநெல்வேலி மாவட்டத்திலுள்ள ரெட்டியார்பட்டியில் இருக்கும் அரசு மேல்நிலைப் பள்ளியில் ஏராளமான மாணவ மாணவிகள் படித்து வருகின்றனர். இந்நிலையில் பள்ளி மாணவர்கள் புத்தக பையுடன் சாலையில் அமர்ந்து திடீரென போராட்டத்தில் ஈடுபட்டுள்ளனர். இதுகுறித்து தகவல் அறிந்த அதிகாரிகள் சம்பவ இடத்திற்கு விரைந்து சென்று மாணவர்களிடம் பேச்சுவார்த்தை நடத்தியுள்ளனர்.
அப்போது பள்ளிக்கூடத்தில் போதிய அளவு குடிநீர் இல்லை. அதன்பின் கூடுதல் கழிப்பறை வசதி அமைத்துத் தரவேண்டும். பள்ளிக்கு சுற்றுச்சுவர் கட்டி தர வேண்டும் என மாணவர்கள் வலியுறுத்தியுள்ளனர். இந்த பிரச்சனைக்கு உரிய தீர்வு விரைவில் காணப்படும் என அதிகாரிகள் உறுதி அளித்த பிறகு மாணவர்கள் போராட்டத்தை கைவிட்டு அங்கிருந்து கலைந்து சென்றனர். இதனால் அப்பகுதியில் சிறிது நேரம் பரபரப்பு ஏற்பட்டுள்ளது.