நடுக்கடலில் மீன் பிடித்து கொண்டிருந்த தமிழக மீனவர்கள் 6 பேரை இலங்கை கடற்ப்படையினர் கைது செய்துள்ளனர்.
ராமநாதபுரம் மாவட்டம் ராமேஸ்வரத்தில் இருந்து தமிழகத்தை சேர்ந்த சுமார் 1,500க்கும் மேற்பட்ட மீனவர்கள் விசைப்படகுகளில் மீன் பிடிக்க சென்றனர். இந்நிலையில் அவர்கள் நடுக்கடலில் மீன்பிடித்து கொண்டிருக்கும்போது இலங்கை கடற்படையினர் எல்லை தாண்டி மீன் பிடித்ததாக கூறி 6 மீனவர்களை கைது செய்த நிலையில் ஒரு விசைப்படகை பறிமுதல் செய்துள்ளதாக கூறப்படுகிறது.
இதனையடுத்து கைது செய்யப்பட்ட மீனவர்கள் ராமேஸ்வரத்தை சேர்ந்தவர்களா அல்லது வேறு மாவட்டத்தை சேர்ந்தவர்களா என்பது குறித்த அதிகாரப்பூர்வ தகவல்கள் இன்னும் வெளியாகவில்லை.